పుట:సకలనీతికథానిధానము.pdf/17

ప్రథమాశ్వాసము

11

చ.⁠

కటములు జేవురింప దెలిగన్నులవాఁ డుదయింప బాదసం ఘటన నలంగ గోరికలు గాంచెదమంచును దీర్థయాత్రకై యిటునటు లేఁగనేల నరు లెట్టియఘాత్ములకైన గల్గు వేం కటమనుపేరు జిహ్వతుది గాపురముండినముక్తిసంపదల్.

⁠ 54

వ.⁠

ఇవ్విధంబున వేంకటాధీశ్వరుండు తొండమచక్రవర్తికి నభీష్టవరంబు లొసంగుచు నతని సేవ గైకొనుచుండె నింక శ్రీ శైలప్రశంసయు, విక్రమార్కాదిరాజచరిత్రంబులును వినుపించెదనని యిట్లనియె.

⁠ 55

సీ.⁠

ప్రవహించు నేయద్రిపర్యంకమునఁ బాప         దళనోత్తరంగ పాతాళగంగ వసియించు నేయద్రి వక్షోరుహన్యస్త         బంధురప్రాలంబభ్రమరికాంబ విహరించు నేయద్రి వివిధపిశాచకం         ఠీరవుండగు బొబ్బభైరవుండు చరియించు నేయద్రి జనులను గావంగ         వీరమూర్తి ప్రతాప విజయమూర్తి

⁠

తే.⁠

పర్వతాఖ్య ద్విజన్మతపఃప్రభావ లబ్ధవరదానమస్తకాలయగిరీశ పాదసంచారపావనప్రస్తరంబు ప్రస్తుతింపగ దగదె శ్రీపర్వతంబు.

⁠ 56

క.⁠

శిల లెల్లను లింగంబులు పొల మెల్లను బరుసవేది భూరుహవల్లుల్ సెలయేరు లెల్ల సురనదు లిల శ్రీగిరిమహిమ దెలియ నెవ్వం డెఱుంగున్.

⁠ 57