పుట:సకలనీతికథానిధానము.pdf/138

వికీసోర్స్ నుండి
ఈ పుట అచ్చుదిద్దబడ్డది

132

సకలనీతికథానిధానము


ఆ.

పులియు నొప్పి బాసి పులుఁగుతోఁ జెలికార
మాచరించి పక్షి యామిషంబు
నడుగుటయునుఁ బెట్టకనియె నప్పులుఁగుతో
జెలిమిదలఁచి నోరఁ జిక్కినపుడు.

5


వ.

తినక, నిన్ను వెళ్ళవిడుచుట ప్రత్యుపకారంబుగా దలంచుకొను మనిన నట్లకాక యని, యప్పులిఁ గాచుకొనియుండ నొక్కనాఁడు.

6


క.

పలలము దిని మత్తా[1]గొని
పులి, నిద్రింపంగ మ్రానుపోటు రయమునన్
దలఁద్రొక్కి యొక్కనేత్రము
గెలఁకి దివంబునకు నెగసెఁ గృతమతి యగుచున్.

7


క.

పులి జూచి పలికె నాకుం
జెలివని యొకకన్ను వొడిచి చిక్కినకన్నున్
గెలఁగక విడిచితి నృపకృతి
కిల నుపకారంబు సేయ కెట్లుండదగున్.

8


వ.

అని యపహసించి యథేచ్చ నరిగెనని నారదుండు బలీంద్రుని నింక నొక్కకథ వినుమని యిట్లనియె.

9


క.

శరలిఖతంబులు చదువను
పరిమళముల దండగట్టఁ బవనము ముడువన్
సురపథముఁ గొలువవచ్చునుఁ
దరణులచిత్తంబు తెలియఁదరమె తలంపన్.

10


వ.

అవి యెట్లనిన.

11
  1. "మత్తాశబ్దోదేశ్యః" అని అహోబలపండితుడు.