ఈ పుట ఆమోదించబడ్డది
క॥పల్లవనారీమ్లేచ్ఛా।
ద్యుల్లాస మనేజ్ఞ బందురోక్తులుచవియై।
చెల్లును గ్రామ్యములైనను।
హల్లీసక ముఖ్యనాచకాధిక పణితిన్ ॥58॥
క॥జగతిఁగల చెల్లుబళ్లై।
నగినగి భాషించునట్టి నానుడిపలుకుల్।
తగదనరహిచెడుఁబువ్వుల।
సొగసుడుగంబిసికికంపు చూచినభంగిన్ ॥59॥
క॥వైరాగ్యవృద్ధి కరగం।
భీర పదశ్రేణిపొసగఁ బెనువుచు నగ్రా।
మ్యా రమ్యవిష్ణుచరితో।
దారములై యున్నఁ జాలుధరణిన్వెలయున్ ॥60॥
క॥దేహాత్మేశవివేకో।
త్సాహంబును లోకవేద ధర్మాధర్మా।
ద్యూహోపోహంబులఁగల।
యా హరిసంకీర్తనంబు లద్యాత్మంబుల్ ॥61॥
గీ॥మహితతానాంచిత విలంబమానమును।
తాళవిరహిరమై పదార్థంబుచెంది।
కేవల ద్విచతుష్పదాకృతిఁ జెలంగు।
నదియధరవాక్యమని యన్నయార్యుఁడనియె ॥62॥
గీ॥మహిమమీఱంగ ధ్రుతమధ్యమానములును।
జిత్రవర్ణంబుఁదాళంబుఁజెన్నుమీఱి।
మునుపఁబాడిన పదవాక్యములఁబొసంగి।
ధరణిద్విచతుష్పదాకృతి దరువుచెలఁగు ॥63॥
