ఈ పుట ఆమోదించబడ్డది
శ్రీ
సుందరకాండ
సర్గ 30
1
చెట్టుకొమ్మలను గుట్టుమట్టుగా
కూరుచున్న కపికుంజరుండు వినె,
త్రిజటకలయు, వైదేహిమాటలును,
రాకాసుల తర్జనభర్జనలును.
2
సుందరంబయిన నందనవనమున
దేవత తీరున తేజరిల్లు సీ
తాదేవిని కని తలకి హనుమ యట
చింతించెను తన చిత్తంబున నిటు.
3
ఎవరికోసమయి యెల్లదిగ్దిగం
తములు వెతకుచున్నారొ వానరులు
వేలు లక్ష, లాబాల, రాఘవుని
ప్రేమమాల కనుపించె నా కిచట.
4
జాగ్రన్మతినై శత్రుల శక్తిని
వేయికండ్ల కనిపెట్టుచు నంతట,
గూఢముగా తిరుగుటవల్ల నె,ఈ
వాడల నీమెను చూడగల్గితిని.
