పుట:శ్రీ శివ స్తోత్ర మాల.pdf/73

వికీసోర్స్ నుండి
ఈ పుట ఆమోదించబడ్డది



సకల భువన బన్ధో సచ్చిదానన్ద సిన్ధో
సదయ హృదయగేహే సర్వదా సంవసత్వమ్ || 84||

జలధి మథన దక్షో నైవ పాతాల భేదీ
న చ వన మృగయాయాం నైవ లుబ్ధః ప్రవీణః |
అశన కుసుమ భూషా వస్త్ర ముఖ్యాం సపర్యాం
కథయ కథమహం తే కల్పయానీన్దుమౌలే ||85||

పూజాద్రవ్య సమృద్ధయో విరచితాః పూజాం కథం కుర్మహే
పక్షిత్వం న చ వా కీటిత్వమపి న ప్రాప్తం మయా దుర్లభమ్ |
జానే మస్తకమఙ్ఘ్రిపల్లవముమా జానే న తే౽హం విభో
న జ్ఞాతం హి పితామహేన హరిణా తత్త్వేన తద్రూపిణా ||86||

అశనం గరలం ఫణీ కలాపో
వసనం చర్మ చ వాహనం మహోక్షః |
మమ దాస్యసి కిం కిమస్తి శంభో
తవ పాదాంబుజ భక్తిమేవ దేహి ||87||

యదా కృతాంభోనిధి సేతుబన్ధనః
కరస్థ లాధః కృత పర్వతాధిపః |
భవాని తే లంఘిత పద్మసమ్భవః
తదా శివార్చాస్తవ భావనక్షమః || 88||

నతిభిర్నుతిభిస్త్వమీశ పూజా
విధిభిర్ధ్యానసమాధిభిర్న తుష్టః |
ధనుషా ముసలేన చాశ్మభిర్వా
వదతే ప్రీతికరం తథా కరోమి ||89||

వచసా చరితం వదామి
శంభోరహం ఉద్యోగ విధాసు తే౽ప్రసక్తః |
మనసాకృతిమీశ్వరస్య సేవే
శిరసా చైవ సదాశివం నమామి ||90||

ఆద్యా౽విద్యా హృద్గతా నిర్గతాసీత్
విద్యా హృద్యా హృదతా త్వత్ప్రసాదాత్ |