పుట:శ్రీ శివ స్తోత్ర మాల.pdf/63

త్వయైవ క్షన్తవ్యాః శివ మదపరాధాశ్చసకలాః
ప్రయత్నాత్కర్తవ్యం మదవనమియం బన్దుసరణిః ||14||

ఉపేక్షా నో చేత్ కిం నహరసి భవద్ద్యానవిముఖాం
దురాశాభూయిష్ఠాం విధిలిపిమశక్తోయది భవాన్ |
శిరస్తద్వైధాత్రం న నఖలు సువృత్తం పశుపతే
కథం వా నిర్యత్నం కరనఖముఖేనైవ లులితమ్ ||15||

విరిఞ్చి ర్దీర్ఘాయుర్భవతు భవతా తత్పరశిరశ్చతుష్కం
సంరక్ష్యం స ఖలు భువి దైన్యం లిఖితవాన్ |
విచారః కో వా మాం విశదకృపయా పాతి శివతే
కటాక్షవ్యాపారః స్వయమపి చ దీనావనపరః ||16||

ఫలాద్వాపుణ్యానాం మయి కరుణయా వా త్వయి విభో
ప్రసన్నే౽పి స్వామిన్ భవదమలపాదాబ్దయుగలమ్ |
కథం పశ్యేయం మాం స్థగయతి నమఃసంభ్రమజుషాం
నిలింపానాం శ్రేణిర్నిజకనకమాణిక్యమకుటైః ||17||

త్వమేకో లోకానాం పరమఫలదో దివ్యపదవీం
వహన్తస్త్వన్మూలాం పునరపి భజన్తే హరిముఖాః |
కియద్వా దాక్షిణ్యం తవ శివ మదాశా చ కియతీ
కదా వా మద్రక్షాం వహసి కరుణాపూరితదృశా ||18||

దురాశాభూయిష్ఠే దురధిపగృహద్వారఘటకే
దురన్తే సంసారే దురితనిలయే దుఃఖ జనకే |
మదాయాసం కిం న వ్యపనయసి కస్యోపకృతయే
వదేయం ప్రీతిశ్చేత్ తవ శివ కృతార్థాః ఖలు వయమ్ ||19 ||

సదా మోహాటవ్యాం చరతి యువతీనాం కుచగిరౌ
నటత్యాశాశాఖాస్వటతి ఝటితి స్వైరమభితః |
కపాలిన్ భిక్షో మే హృదయకపిమత్యన్తచపలం
దృఢం భక్త్యా బద్ధ్వా శివ భవదధీనం కురు విభో ||20||

ధృతిస్తంభాధారం దృఢగుణ నిబద్దాం సగమనాం
విచిత్రాం పద్మాఢ్యాం ప్రతిదివససన్మార్గఘటితామ్ |