స్సలలిత కల్పకం బొదవఁ జక్కనికేం బసపంచు కోకతో
వెలలు సరోజలక్ష్మి యనఁ బేర్చు రవిప్రభ మీకు మేలిడున్.
తా.అస్తాదీశుడైన శివుని జడలయందున్న శశి కాలకూటమను విషము త్రాగగా, ఆరుణ కిసలయములవలె ఎఱ్ఱనైన కల్పకమువెనుక చక్కని పసుపు చీర ధరించిన లక్ష్మీ యట్ల ప్రకాశించు సూర్యకాంతలక్ష్మి మీకు సంపద లొసంగు గాక.[42]
ఉ. పుట్టదు సంద్రమం దచటఁ బుట్టిన కౌస్తుభ ముఖ్యవస్తువుల్
చుట్టలు గావు పద్మమును జూడము చేతను, విష్ణువక్షముస్
ముట్టదు లాఁతి లేవెలుఁగు ముజ్జగమందు వ్యవస్థ లేర్పడన్
బుట్టెడు మండలాగ్రమునఁ బూషున కా సిరి మీకు మేళ్ళడున్.
తా. సముద్రములో పుట్టలేదు. అందు పుట్టిన కౌస్తుభము మొదలగునవి చుట్టములు కావు; చేతిలో పద్మము లేదు. విష్ణు వక్షః స్తలము ముట్టదు. అయినను లక్ష్మీవలె సమస్తము నిచ్చి, సూర్యకాంతలక్ష్మి మీకు సిరుల నొసగుగాత [43]
అశ్వ వర్ణనము
ఉ. మేరువుమీఁద నున్ననగు మేల్మిశిలల్ నలఁగంగనీక సా
మీరజవంబుసం దుముకఁబెట్టిన గుర్తులు వేఱె లేమిచే
చారుతరార్క కాంతమణిజం బగు వహ్నియ దారి తెల్పఁగా
మీరిన సూర్యుగుఱ్ఱములు మేలుగ ముజ్జగ మేలు గావుతన్.
తా. మేరు పర్వతము పైనున్న శిలలు నలగకుండ, మహావాయు వేగముతో దుముకుటచే గుర్తులు వేఱె లేకపోగా, సూర్యకాంత శిలలు కరిగి, అందలి ఆగ్నిచే దారి స్పష్టమగుచుండగా పర్యటించు సూర్యాశ్వములు మీకు శోభన మిడుగాక.[44]
ఉ. దగ్గఱ బగ్గునం గిరణతాపము వీపులవేఁప డప్పిమైఁ
దగ్గక యొక్క నాఁట దివిదారి వడారము దాఁటి వేసటన్
