పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/445

438

శ్రీవేంకటాచలమాహాత్మ్యము

తే.⁠

అచటఁ గొన్నాళ్లు కష్టంబు లనుభవించి నట్ల నటియించి పిదప నయ్యబ్జముఖిని ప్రేమ మీఱఁగ నీక్షించి పెండ్లియాడె నతని కెందున్నఁ గొదువలే దంబుజాక్షి.

⁠ 93

క.⁠

హరి కరుణామృతసింధుఁడు సరవిగ నిను బిలువవచ్చు సంతసముగ నీ వరుగుము తడయక యాకరి వరదుని వంచించి యిటకు వచ్చుట తగునే.

⁠ 94

చ.⁠

పరమపతివ్రతామణివి భర్తకుఁ జిక్కులు పెట్టి యిమ్మెయిన్ ధరణిని వేడ్క బాలకులు డాఁగురుమూతల నాఁడురీతిగాఁ దిరుగుచు నుండుచందము పతివ్రత కొప్పునె యెందునైన నీ వరయనినీతులుం గలవె హా యిది యేమి విచిత్ర మంగనా.

⁠ 95

సీ.⁠

వనితా ద్వివింశతివత్సరంబులనుండి         తలజడ ల్గట్టఁగఁ దపసి యగుచు నాహారనిద్రాసుఖాసక్తులను మాని         నీకొఱకై సర్వలోకకర్త మనుజుఁడై నీనామమంత్రజపంబును         జేయుచున్నాఁడు సుస్థిరముగాను నీవు మ త్రాధీనవై విష్ణుదేవుని         జేరఁగాఁ దగు నిది సిద్ధ మెలమి

⁠

తే.⁠

నింక నీ వేడ డాఁగెద విపుడ లేచి యంబుజాక్షుఁడు నాటియున్నట్టి పద్మ నాళపథమున నరిగి నీనాయకుండు దృష్టినిడినట్టి కమలాన శ్రీకరముగ.

⁠ 96