పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/423

వికీసోర్స్ నుండి
ఈ పుట అచ్చుదిద్దబడ్డది

416

శ్రీవేంకటాచలమాహాత్మ్యము


ధీరుఁడై పద్మావతిం బెండ్లియాడిన
        వెనుక మహాలక్ష్మి విశ్వసించి
హరిపక్షమం దుండ కరిగి కొల్లాపుర
        మందున్న పిమ్మట నబ్ధిసుతను


తే.

దలఁచునో లేక చక్రి నిర్దయను మదిని
దలఁప కాకాశపతిసుతం దాను గూడి
మఱచి యూరకయుండెనో మఱల లక్ష్మి
నెదను జేర్చెనొ లేదొ మా కెఱుఁగమనుడు.

8


క.

మనమున శ్రీవేదవ్యా
సుని దలంచుచు మౌనివరులఁ జూచి నగుచు ని
ట్లనియెను మునులారా హరి
ఘనచరితంబులను జెప్పఁగా వశమె వినన్.

9


క.

నను మీ రడిగినవిధమున
మును దేవలుఁ డడుగ మోదమును దనరారన్
విని దేవదర్శనుం డను
ముని చెప్పెను విశదముగను మొనసి క్రమముగన్.

10


మ.

విను మోదేవల వేంకటేశ్వరుఁడు శ్రీవిష్ణుండు పద్మావతిన్
మన ముప్పొంగఁగ గూడి యుండియును వేమాఱున్ రమాదేవినిం
దనచిత్తంబున నెంచుచుం బ్రియముతోఁ దద్రూపలావణ్యచిం
తనముం జేయుచుఁ బన్నగాచలముమీఁదన్ సర్వభోగంబులన్.

11


సీ.

అనుభవించుచు నుండె నటు కొన్నియబ్దంబు
        లరిగినవెనుక శేషాద్రివిభుఁడు