పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/42

ప్రథమాశ్వాసము

35

⁠

బంగరుకడియము ల్పచ్చలచేకట్లు         రత్నాలవంకీ ల్కరముల వెలయ మగఱాలకమ్మలు పగడాలపేరులు         చెవుల గళంబునఁ జెన్ను మీఱ వ్రేళ్లనుంగరములు వివిధకాంతులమీఱ         మీఁజేత గొలుసులు మెఱయుచుండ

⁠

తే.⁠

నాసికాగ్రంబున న్జిగినత్తు వెలుఁగఁ జిఱుతగజ్జెల మొలనూలు చిందుద్రొక్క ఘల్లుఘల్లని పదహంసకములు మొరయ శ్రీవనిత విశ్వమోహినిదేవి యయ్యె.

⁠ 130

క.⁠

క్రొక్కాఱుమెఱుపు లన్నియు నొక్కెడ గుమిఁగూడి నిల్చి యున్నవిధముగాఁ గ్రిక్కిఱిసి యద్భుతంబుగ మిక్కుటమై యుండె లచ్చిమేనిమెఱుంగుల్.

⁠ 131

క.⁠

కరమునఁ గమలము చేకొని సురుచిరమగు తళుకుబెళుకుఁ జూపులతో నా హరినొగిఁ జూడఁగ నాహరి సిరిమోముం జూచి నగుచుఁ జెలఁగుచు నంతన్.

⁠ 132

సీ.⁠

ఆకామినీమణి కనురూపముగఁ జక్రి         చక్కని మనుజవేషంబు దాల్చె నది యెట్టు లన్న నీలాంబుదవర్ణుండు         నాజానుబాహుఁ డాహ్లాదముఖుఁడు నీలకుంతలయుక్తబాలేందుఫాలుండు         కంబుకంఠుండు మంగళకరుండు

⁠