పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/40

ప్రథమాశ్వాసము

33

⁠

గందమూలఫలాదికంబుల బహుపుష్ప         ములు తీర్థములు చూచి నిలచి సరవి నాకుటిండ్లను గట్టి యందుండి ప్రీతిమై         నమలమంత్రాదుల నధ్వరంబుఁ జేయుచుండఁగఁ జూచి సిరిని విలోకించి         హరి యిట్టు లనియె నోయబ్ధికన్య

⁠

తే.⁠

జనులు గనరానియమ్మహాస్థలికి వచ్చి యజ్ఞమును జేయుమౌనీంద్రు లలరువిధము చూడు మిచ్చట నని దయఁ జూపి మఱల నిట్టు లనియెను సంతోష మినుమడింప.

⁠ 125

హరి విటవేషధారి యగుట

సీ.⁠

సతి చూడు మవి యజ్ఞశాల సదశ్శాల         లవిగాక యిటు చూడు మగ్నిశాల సరవి హవిర్భాగశాల పత్నీశాల         యజమానశాల నీ వదిగొ చూడు మది మహానసగృహం బవి యజ్ఞపాత్రము         ల్పశుసుయూపస్తంభపంక్తు లవియ వారె ఋత్విక్కులు వీర లధ్వర్యులు         సోమయా జితఁ డది సోమిదమ్మ

⁠

తే.⁠

చక్కఁగాఁ జూడు మిమ్మహాశ్రౌతకర్మ చయములెల్లను నాయంద జనన మొందె గాన సవనస్వరూపుఁడ నైననాకుఁ బ్రీతిగా యజ్ఞములు బుధుల్సేయుచుండ్రు.

⁠ 126