పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/38

ప్రథమాశ్వాసము

31

⁠

గరుణం జూచినకతమున నరసింహగిరీంద్ర మనఁగ నామం బలరెన్.

⁠ 113

తే.⁠

అంజనాదేవితపము మున్నచటఁ జేసి వడసె హనుమంతు డను మేటికొడుకు నెమ్మి నపుడు దేవతు లెల్ల సహాయు లగుచు నామ మిడి రుర్వియం దంజనాద్రి యనఁగ.

⁠ 114

క.⁠

మునుపు వరాహసమూహము లనిశము వర్తింప నందు హరి క్రోడంబై యసువుగ నిల్చినకతమున మునులార వరాహశైల ముర్విం దనరెన్.

⁠ 115

క.⁠

మును నీలుం డనుపేరుం దనరినవానరుఁడు తపము దగఁ జేసెను దా నినిబట్టి నీలగిరి యని తనరారెను బేరు జగతిఁ దాపసులారా.

⁠ 116

క.⁠

శ్రీకి నివాసంబై భూ లోకంబున ననఘ భక్తలోకంబులకుం బ్రాకటముగ హరి గన్పడ శ్రీకరముగ నామమొందె శ్రీగిరి యనఁగన్.

⁠ 117

క.⁠

శ్రీసతి హరివైభవ ము ల్లాసంబుగఁ జూడ నెంచి లలి నుండుటచే భాసిలె శ్రీసతి గిరి యని శ్రీసన్మునివర్యులార క్షితి మహిమారన్.

⁠ 118

క.⁠

వేడుకమైఁ గమలాలయ తోడం జేడియలఁ గూడి తుష్టి యెసంగం

⁠