పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/372

పంచమాశ్వాసము

365

తే.⁠

సకలదిక్పతులును పద్మసంభవుఁడును గొలువఁగాఁ జక్రి సంతోషకలితుఁ డగుచు నిర్మలుం డగునాకాశనృపతి నగరు సేరుటకు వచ్చి మందిరద్వారమునను.

⁠ 204

తే.⁠

నిలువ మంగళవాద్యాలు నెమ్మిఁ జెలఁగఁ దొండమానునిభార్య సంతోషముగను నైదువులతోడఁ జేఁబట్టి హరికి సిరికి మంగళారతు లిచ్చె శుభాంగముగను.

⁠ 205

క.⁠

తనకును సిరి కారతు లి చ్చినవారికి వీడెములను జీనాంబరముల్ ఘనమతి వరనిష్కములను బెనుపుగ నిప్పించె నాకుబేరునిచేతన్.

⁠ 206

వ.⁠

అంత శ్రీనివాసుం డైరావతంబు డిగ్గి లక్ష్మిని కరంబు పట్టుకుని బ్రహరుద్రాదులుతోడ నంతగపురంబులోని కేగి కల్యాణమంట పంబునం జతురశ్రరత్నవేదికలయందున్న హేమసింహాసనం బుమీఁద లక్ష్మీసమేతంబుగఁ గూర్చుండగ విధ్యుక్తముగ నాకాశరాజేంద్రుఁడు నిశ్చితార్థం బొనర్చె నంత.

⁠ 207

సీ.⁠

అమరఁ బద్మావతి కనసూయ మొదలగు         నైదువలెల్ల సమ్మోద మెసఁగ భాసురనూతనాభరణంబులను నవ్య         చేల చందనపుష్పమాలికలను గాటుక కుంకుమ క్రమముగ నిపు డలం         కారంబు చేసి శ్రీగౌరిచెంత

⁠