పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/371

364

శ్రీవేంకటాచలమాహాత్మ్యము

⁠

గావలయుఁ దగు మంగళద్రవ్యంబులు వివాహమంటపవేదిక యందు నుంచవలయు నని పరిచారులకు నియమించి పురో హితబంధుమిత్రకళత్రజనాదులతో ధరణీదేవి సువా సినులం దోడ్కొని సాయంసమయంబున మంగళవాద్యం బులతో హరియుండు విడిది మందిరంబున కేగి నక్షత్రగణ పరివృతుండైన సుధాకరుని చందంబున నజశంకరుల నడుమ నవరత్నపీఠంబునం గూర్చునియుండు హరిని జూచి యానం దించి వసిష్ఠాదిమునులం జూచి స్వామివారిం దోడ్కొని మద్గృహంబునకు రావలె నని ప్రార్థించె నపు డాస్వామిని పసిష్ఠుండు పూజింపు మని చెప్పిన విని ధరణీదేవి సంకో చంబున నరుంధతిని మున్నిడుకొని భయభక్తు లెసంగ నాస్వామికి దివ్యవస్త్రాభరణచందనతాంబూలంబు లర్పించి పుష్పహారంబు కంఠంబున నుంచి కృతార్థురా లైతి నని సంతో షించెఁ దొండమానుఁడు సభాసదులకుం జందనపుష్పతాంబూ లంబు లిప్పించె ననంతరంబు.

⁠ 203

సీ.⁠

ఐరావతముమీఁద హరిని శ్రీసతి నుంచి         కొని రాజవీథులం గోరి రాఁగ వేడ్కమై వరచతుర్వేదఘోషణములు         ఘనయక్షగంధర్వగానములును మిన్నంది ఘోషింప మెఱయుచు రంభాది         వనితలు నృత్యముల్ వఱల సల్ప ఘనతరకరదీపగగనబాణంబులు         పెక్కుదిక్కులను దీపింపఁగాను

⁠