పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/348

పంచమాశ్వాసము

341

⁠

గావున నాపెండ్లి నీ విప్పు డొప్పి చే         సిన మేలె చేయకుండినను మేలె నా కేమి గావలె లోకవిడంబనా         ర్థంబుగ నీప్రయత్నంబు నేఁడు

⁠

తే.⁠

కాలకర్మానుగుణముగఁ గల్గె ననుచుఁ దాను గన్నీరు నించిన ధవుని జూచి వల్కె సిరి యిట్లు దేవ యీపామరంబు నీకుఁ దగ దని చాల మన్నించి నగుచు.

⁠ 129

సీ.⁠

హరి నాదరించి బ్రహ్మాదుల నీక్షించి         యిది యేమి యాలస్య మెల్లవారు లేచి మీమీపనుల్ చూచి చేయుఁడు చక్రి         కభ్యంగనము సేయుఁ డనుచు లక్ష్మి యానతియ్యగ నంద ఱన్ని పను ల్జేసి         రపు డబ్జజుండు ఖగాధిపతిని పన్నగేంద్రానిలప్రముఖులం బంపించి         పుణ్యతీర్థముల నా భుజగగిరికిఁ

⁠

తే.⁠

గలశముల నిండఁ దెప్పించి క్రమముగాను గుంకుమను గల్పి నాల్గుదిక్కులను బెట్టి సూత్రముల వానిచుట్టుసు జుట్టుఁ డనుచు నతఁడు సెప్పఁగ గిరిజాముఖాంగనలును.

⁠ 130

తే.⁠

మంగళస్నానములు చేసి రంగు మీఱ వస్త్రభూషణములు దాల్చి వచ్చి దీప కలశము ల్మంగళారతు ల్కరములందుఁ బట్టి కల్యాణపాటలు పాడు చెలమి.

⁠ 131