పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/331

వికీసోర్స్ నుండి
ఈ పుట అచ్చుదిద్దబడ్డది

324

శ్రీవేంకటాచలమాహాత్మ్యము


యగు సుతం గాంచితివి వివాహంబు సేయు
శ్రీహరికి నిచ్చి పొందు సుశ్రేయసంబు.

76


చ.

అని శుకయోగి వల్కఁగ ధరాధిపుఁ డెంతయు సంతసించి యి
ట్లనియె గురూత్తమా! యిఁక శుభాస్పదలగ్న మొకండు నీవు పొం
తనములఁ జూచి పెట్టుఁ డనఁ దప్పక నాశుకుఁడున్ గురుండు శ్రీ
తనరఁగఁ జూచి చూచి విధి ధర్మపథంబుల నోలి నత్తఱిన్.

77


వ.

నాడీరజ్జుగణయోనివర్ణదినమాహేంద్రదీర్ఘగ్రహమైత్ర
కూటాదులు వధూవరులకు నమరియుండుటకు మెచ్చి పుష్క
రాంశప్రకారంబునఁ దిథివారనక్షత్రయోగకరణాదులం
బాతాభావాదిదోషవిరహితంబుగం జూచి మధుమాసంబున
కెట్టి దోషంబులు లేవని వచించి పూర్వపక్షక్షపాకరసంచార
కాలంబున నిర్దోషంబుగ నొకముహూర్తంబు నిశ్చయించి
రాజు కెఱింగించి సంతసింపఁజేసిరి. అంత నాయాకాశ
రాజేంద్రుం డాబృహస్పతిం జూచి యిట్లనియె.

78


సీ.

హరికి నమస్కారమనుచు వ్రాయించెద
        నన విని ధిషణుఁ డిట్లనియె రాజ
ఆస్వామి మానవుం డై నీసుతను బెండ్లి
        యాడఁ దలంచినాఁ డందువలన
మొనసి నమస్కార మని వ్రాయఁగూడ దా
        శీర్వచనంబను శ్రేయమంచు
నమరఁ బత్రిక వ్రాసి యంపించు మని శుక
        బ్రహ్మయుఁ బల్క భూపాలకుండు