పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/319

వికీసోర్స్ నుండి
ఈ పుట అచ్చుదిద్దబడ్డది

312

శ్రీవేంకటాచలమాహాత్మ్యము


ముదిత కామీఁద మఱి కామమూర్ఛ దాఁకె
విరహతాపజ్వరంబుతో వేఁగసాఁగె.

33


తే.

ఆజ్వరము మాన్ప వేఱ లే దౌషధంబు
కమలనయనుని మోము నీకన్య కిపుడు
చూప నాలేమమిన్నకుఁ దాప మడఁగు
నూరకే నన్ను నడుగుట నొప్పుఁ గలదె?

34


తే.

అనుచుఁ బలిన కొఱవంజి యవ్వఁ జూచి
ధరణిదేవి యిదేమిపో దబ్బ రనుచు
కమలలోచనుఁ డేడ మాకన్య యేడ
నతని యిది చూచు టేడ నీ వనుట కల్ల.

35


క.

విన విన దబ్బరగాఁ దోఁ
చిన దిది యెప్పుడును లేనిచిత్రం బాహా
యన నెఱుకత విని యీవిధ
మనియెను నామాట దప్ప దవ్వో యవ్వా.

36


సీ.

ఇకఁ గొంతతడవున కిచటికిఁ బెండ్లిపె
        త్తనము సేయుటకు మోదంబు మీఱ
నావేంకటేశ్వరుం డంపఁగ నొకయింతి
        వచ్చును నానిజ మచ్చుమెచ్చు
తెలియు నీ కిపు డెంత తెలియఁ జెప్పినఁగాని
        దెలియలేదో ధరాదేవి నీకుఁ
దెలిసినప్పటికి న న్బిలిపించి బహుమాన
        మిప్పించు మిప్పు డే మియ్యవలదు


తే.

నా కిపుడు నీవు సెల విమ్ము నీకొమార్తె
పెండ్లినాఁటికి వత్తు నాబిడ్డతోడ