పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/300

చతుర్థాశ్వాసము

293

⁠

చిరతరకరుణ నాసీతను మెచ్చి చేఁ         బట్టి విభీషణుపట్ట మచటఁ గట్టి సౌమిత్రితోఁ గపులతో సాకేత         పట్టణంబును జేరి ప్రజలనెల్లఁ

⁠

తే.⁠

బాలనము చేయుచుంటి నక్కాల మట్ల జరిగె నటమీఁద నేను ద్వాపరమునందు మొనసి వసుదేవునకుఁ గృష్ణుఁడన జనించి యుంటి వల్మీకమున నిందు నున్నవాఁడ.

⁠ 335

తే.⁠

అనుచు వకుళకుఁ బూర్వవృత్తాంతమెల్ల చక్రి వినిపింప నయ్యింతి సంతసించి వేదవతి పూర్వవృత్తాంతవిధము దెల్పు మనఁగ నాచక్రి యిమ్మాడ్కి ననియె నపుడు.

⁠ 336

సీ.⁠

విను వకుళాదేవి ఘనపూర్వకథ నీకు         విశదీకరించెద విప్రకన్య యగు వేదవతి నన్ను మగనిగ భావించి         తపము సేయుచునుండ దనుజవిభుఁడు తా దాని గామింపఁగా దేహమం దాశ         విడిచి యాలలితాంగి విశ్రవసుని తనయుని గాంచి సిద్ధంబుగ హరిచేత         నిన్ను నేఁ జంపింతు నెఱిఁ దలంచు

⁠

తే.⁠

నంచుఁ బంతంబొనర్చి తా నగ్నిఁ జొచ్చె బావకుఁడు దాని డాఁచి తప్పక దశాస్యుఁ డెలమి సీతను గొంపోవ నెఱిఁగి వాని కిచ్చె వేదవతిని సీత నీయకుండ.

⁠ 337