పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/299

292

శ్రీవేంకటాచలమాహాత్మ్యము

⁠

వతి లంక చేరి రావణునిచే హింసలు         వడియె నాకొఱ కిది భాగ్యవతియు

⁠

తే.⁠

నిన్నుఁ గోరి తపంబున్న కన్నె మిన్న గనుక నీభావమందు సత్కరుణనుంచి ప్రేమ మీరఁగ నిద్దానిఁ బెండ్లియాడు మనఁగ నే నందు కొల్ల కిట్లంటి నపుడు.

⁠ 331

తే.⁠

పడఁతి విను మేకపత్నీవ్రతుఁడను గనుక యిపుడు నేఁ బెండ్లియాడ నియ్యిందుముఖిని రహిఁ జెలంగఁగ దేహాంతరమున దీని పెండ్లియాడుదు వేడుక పెచ్చుపెరుఁగ.

⁠ 332

వ.⁠

అదెట్లనిన నిరువైయెనిమిదవద్వాపరాంతకలియుగంబున ననేకభక్తరక్షణార్థంబు వేంకటాద్రియందు నవతరింతు నపు డీకన్యకను బెండ్లియాడుదు. నంతపర్యంతంబు నీకాంత సత్య లోకంబున వసియించి యుండవలయు, వేంకటాద్రియం దుద యించిన నపు డియ్యింతి భూమియందు నుద్భవించు. నపు డేను పరిగ్రహింతు.

⁠ 333

క.⁠

అని పల్కితి నీగోప్యం బనలునకును నాకుఁ దెలియు నదిగా కిది యా జనకజకును వేదవతికిఁ దసరారఁగఁ దెలియు మర్మధర్మం బిదియున్.

⁠ 334

సీ.⁠

పరు లెందు వినని నీపరమరహస్యంబు         నీకుఁ జెప్పితి నేఁడు నెనరు మీఱి మది నుంచు మటుమీఁద మహిమ మీరఁగ నేను:         వహ్నియం దావేదవతిని నిల్పి

⁠