పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/271

264

శ్రీవేంకటాచలమాహాత్మ్యము

⁠

పంపఁగఁ జెలులతోఁ బరమముదంబున         మాట లాడుచు నట్టి దోఁట కరిగి

⁠

తే.⁠

రమ్యతరమగు కమలాకరంబుచెంతఁ నందలము డిగ్గి లేచి యందందఁ దిరిగి విరులు గోసెద నని చాల వేడ్కనొంది వనవిహారము సేసె నెమ్మనము మెఱయ.

⁠ 228

సీ.⁠

చెలఁగి పువ్వులఁ గోసి చెలులపైఁ బడవేసి         కిలకిల నవ్వు నాకీరవాణి మధురఫలంబులు మాటిమాటికిఁ గోసి         చెలుల కందిచ్చు నాచిగురుఁబోఁడి లాలించి బేలించి నీలకంఠములతో         మేలంబు లాడు నానీలవేణి రాయంచగతివలె నాయెడ నటియించి         సారెకు సోలు నాజలజవదన

⁠

తే.⁠

కోరి కోవెలలట్ల తాఁ గూజితంబు చేసి చొక్కుచుఁ బలుమాఱు చిలుకగముల సరణిఁ బల్కుచు భృంగినిస్వనమురీతి గాన మొనరించు సొంపుగఁ బూని యచట.

⁠ 229

క.⁠

మొల్లలు పొన్నలు వొగడలు మల్లెలు సంపెంగవిరులు మందారములన్ గొల్లగఁ గరములఁ గోసి మ ఱుల్లాసము మీఱఁ బుడమి నొక్కెడఁ బెట్టున్.

⁠ 230

క.⁠

ఒయ్యారంబున నడుచుచు బుయ్యారంబుగ నెసంగుబొదరింటను దా

⁠