పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/234

చతుర్థాశ్వాసము

227

సీ.⁠

శరదభ్రశుభ్రలసత్కాంతి నిజదేహ         మందు రప్పింపగా నరుణవర్ణ కలితజటాజూటకళ లుప్పతిల్లఁగ         లలిఁ బూర్ణచంద్రకళంక మనఁగ నొఱవుఁ గృష్ణాజిన మొప్పంగఁ గటియందు         మధ్యభాగమునందు మౌంజి వెలయ మెఱపుఁదీవెను దాను మెచ్చక యురమునఁ         దగిన బంగరుజన్నిదము వెలుంగ

⁠

తే.⁠

నారదుఁడు లేచి యప్పు డానలినభవుని యనుమతిని జాన్హవీతీరమునను జేరి క్రతువు లచ్చట నొనరించు కశ్యపాది సంయమీంద్రుల నీక్షించి సవినయమున.

⁠ 105

తే.⁠

వీణ మీటుచు గానధురీణుఁ డైన వరమునీంద్రుఁడు సవనపువాటమునకు రాఁగఁ గశ్యపముఖులు నారదుని జూచి విహితరీతిని బూజించి వినుతి చేసి.

⁠ 106

క.⁠

ఘనతం దగ మఱి మును లా యనిమిషమునివరుని గాంచి యని రిమ్మెయి నో మునినాథుఁడ భవదాగమ మున మే మెల్లరును మోద మొందితిమి కడున్.

⁠ 107

తే.⁠

అనఁగ నిని మౌనులార మీఱంద ఱిచట యజ్ఞమును సల్పి తత్ఫలం బలర నెవరి కర్పితంబులు గావింతు రావిధంబు దెలుపుఁడని వల్క మునులు సందియము నొంది.

⁠ 108