పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/218

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

211


చాలించు కల్పాంతసమయమం దిటు సేయు
        టుచితంబుగాని ధీయుతుఁడ మాను
మని వారు ప్రార్థింప ననిలుఁ డారోషంబు
        విడువక మఱిమఱి విసరుచుండె
పవనుని రోషస్వభావంబు గనుగొని
        శేషాహిచెంగటం జేరి వినుతి


తే.

చేసి యిట్లని వల్కిరి శేష వినుము
నీబలం బెక్కువైనది నీరజాక్షుఁ
డెఱుంగు గౌళీమనోహరుం డెఱుఁగు మేము
నెఱుఁగుదుము నీప్రభావంబు నెన్నఁ దరమె.

57


వ.

అని బహుభంగులం బ్రార్థించిన శేషుండు పట్టినపట్టు విడుగ
కుండినం జూచి బ్రహ్మేంద్రాదులు మఱియు నిట్లనిరి.

58


క.

విను మోభుజగకులాధిప
కినిసి మహాశక్తి హేమగిరివరతనయున్
ఘనముగ బిగఁబట్టిన ని
న్ననిలుఁడు గదలింపనోపఁ డయ్య మహాత్మా.

59


క.

అనిలుఁడు నీ కోడఁడు నీ
వనిలున కోడవు జగంబు లదరి నశింపం
బనివచ్చెను గావున నీ
ఘనరోషము నడఁచి జనుల కాపాడఁగదే.

60


చ.

అనుజులు మూర్ఖులంచు విడనాడి సుసాత్వికమూర్తియైన వె
న్నునిపద మాశ్రయించితి వనూనమతుండవు నీకుఁ గోప మే
లను నిజశుద్ధసాత్వికబలంబున నీవు చలం బడంచి నీ
ఘనఫణ మెత్తి మాకొఱకు గాడ్పుకు గెల్పునొసంగ మేలగున్.

61