పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/173

166

శ్రీవేంకటాచలమాహాత్మ్యము

⁠

బూరించి విడచి మఱియుఁ బూరించి రేచించుచుఁ గ్రమ్మఱఁ గొలిమితిత్తు లూఁదినట్లు రేచించి పూరించుచు దేహమునం దున్న వాయువును బుద్ధిచేతఁ జలింపఁజేయుచుండఁగ నెపు డైన బడలిక పుట్టిన గాలిచేతఁ గడుపునిండిన సూర్యనాడివలన వాయువును విడువఁగ బడలిక దీరును, గడుపును జులకనగు. నపు డంగుష్ఠానామికలుచేత నాసికము బిగఁబట్టి వాయువును గుంభించి యిడానాడిని విడచిన వాతపిత్తశ్లేష్మాదులు నశిం పఁగ జఠరాగ్ని ప్రకాశించుచు సకలనాడులు విమోచనం బగును. బ్రహ్మ విష్ణు రుద్ర గ్రంథులను భేదింపఁబడు. నిది సుఖప్రదం బగు భస్త్రికాకుంభకం బిఁక భ్రమరికాకుంభకంబు చెప్పెద వినుము.

⁠ 118

క.⁠

పురుషమిళిందధ్వనివలె నఱిముఱిఁ బూరించి భృంగి యానందముతో నరుదుగఁ జేసిననాదము కరణిని రేచింపవలయుఁ గ్రమముగ నెపుడున్.

⁠ 119

క.⁠

ఈరీతి నభ్యసించిన వారల కానందమూర్ఛ వరచిత్తమునన్ దారూఢిగ జనియించును గౌరవమగు నిదియ భ్రమరికాకుంభకమౌ.

⁠ 120

వ.⁠

ఇంక మూర్ఛాకుంభకంబును వివరించెద వినుము.

⁠ 121

తే.⁠

రహిని బూరించి జాలంధరంబు నొలయఁ బెట్టియుండ రసద్బోధ పుట్టిలోన నిలిచి జీవుని బొక్కంచి నిండుచుండు నది మనోమూర్ఛ యనుకుంభకాఖ్య వింటె.

⁠ 122