పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/137

130

శ్రీవేంకటాచలమాహాత్మ్యము

తే.⁠

చుండె రెండవచండమార్తాండుఁ డనఁగ నొప్పుచును వేంకటాద్రికి నుత్తరముగ నుండుకొండలనడుమ మహోగ్రుఁ డగుచు సరభసంబున నిలిచె నాచక్రరాజు.

⁠ 37

వ.⁠

అపు డాచక్రరాజు నీక్షించి భీతినొంది కొందఱు రాక్షసులు తమదొరయగు భేరుండునిచెంతఁ జేరి యిట్లనిరి.

⁠ 38

సీ.⁠

చండప్రతాపభేరుండ! మహాస్వామి!         విను మద్భతంబుగ వీరుఁ డొకఁడు చతురంగబలముల జతఁగూడియున్నాఁడు         కాలాగ్నిరుద్రులఁ బోలినాఁడు ఖ్యాతిగ నొకవేయిచేతులు గలవాఁడు         ఘనరక్తచేలము ల్గట్టినాఁడు హారకిరీటకేయూరము ల్ధరియించి         యెక్కువతేరుపై నెక్కినాఁడు

⁠

తే.⁠

మించుభానునిగతి వాఁడు మించినాఁడు వాఁడు భయదాంగుఁడగుచు నున్నాఁడు చూడ నంచుఁ జెప్పంగ భేరుండుఁ డప్పుడటకు రక్కసులతోడఁ జని కడురౌద్ర మెసఁగ.

⁠ 39

క.⁠

ఆచక్రరాజుఁ గనుఁగొని యాచోటికిఁ దాన రాజు ననుచున్ భేరుం డేచినకింకను జూచి ని శాచరుల న్మించి వల్కె శౌర్యోద్ధతుఁడై.

⁠ 40

శా.⁠

ఓరక్షోవరులార చూచితిరె! వీఁ డుత్సాహము న్మించి న న్నారూఢాహవమందుఁ గెల్చుటకు నేఁ డాసన్నుఁడై వచ్చినాఁ

⁠