పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/119

112

శ్రీవేంకటాచలమాహాత్మ్యము

⁠

పదవి నిచ్చెద మఱియు సద్భక్తిఁ దులసి నెలమి బృందావనమునందు నిడినజనుల.

⁠ 128

వ.⁠

కరుణంజూచి స్వర్గసామ్రాజ్య మిత్తు నిదియునుంగాక ప్రతి దినంబున భక్తిమై షడ్రసోపేతాన్నంబు యథోచితంబుగ నాకు సమర్పించినవారికి శాశ్వతైశ్వర్యంబు నొసంగుదు నని యనేకప్రకారంబులఁ గర్మజ్ఞానభక్తిధర్మసూక్ష్మంబులు బ్రహ్మా దుల కానతిచ్చి బ్రహ్మకు వేఱుగ నిట్లనియె.

⁠ 129

సీ.⁠

జలజసంభవ! నీవు సత్యలోకము వాసి         నాకొఱ కిచట నిన్నాళ్లు నిలిచి బ్రహోత్సవాఖ్యచేఁ బ్రబలు మహోత్సవం         బిచటఁ జేయించితి విందువలన వనధిజాభూనీళలును నేను సంతోష         భరితుల మైతిమి ఫణినగమున నిలిచియుండెద మింక నీకు వరంబు లే         మిత్తు నన్నను భారతీశుఁ డనియె

⁠

తే.⁠

జనక నను మున్న మన్నించి సద్వరంబు లిచ్చియున్నారు నా కిపు డేమిగొదువ యిఁకఁ దిరోధానమొందక యిచట నెపుడు నిలిచియుండుఁడు నెలమిగ జలజనయన.

⁠ 130

క.⁠

నరకములం బడనీయక నరులను మీచరణరక్షణము చేసినదే వర మింతకన్న వేఱొక వరమేలా నాకుఁ దండ్రి వరద ముకుందా.

⁠ 131