ఈ పుట అచ్చుదిద్దబడ్డది
34
శ్రీరమా పరిణయము
వెలయఁగా నగరు ప్ర - వేశించి, యచటఁ
బోఁడిమితో నంతఁ - బురహరాదులకు
వేడుక దీపింప - విందు చేయించి,
పరఁగ శ్రీ పార్వతీ - పరమేశ్వరాది 640
వరదంపతుల కెల్ల - వరుసగా నపుడు
తనరారఁ జందన - తాంబూలములను,
కనకాంబరములను - గరుణ నిప్పించి,
హరి వీడుకొల్ప, బ్ర - హ్మాదు లందుండి
మురియుచు నిజపురం - బులఁ జేరి; రంత
జలరాశి పైనమై - 'జలజాక్ష! మాకు
సెలవిమ్ము కలుముల - చెలితోడ' ననిన
'నో మామ! మీ కన్య - నొక క్షణంబైన
నీమీఁద విడిచి నే - నిందుండ లేను;
అటుగాన సిరిని నే - నంపఁగాఁ జాల, 650
నెటులైన నోర్చి నీ - విఁకఁ బోయిరమ్ము'
అని హరి పల్కఁ, జిం - తాక్రాంతుఁడగుచు
వనధి యిట్లనియెను - వనజాక్షుఁ జూచి:
సాగరుని సంప్రార్థనము
శ్రీ పన్నగాధీశ! - చిదచిద్ద్వయేశ!
పాపాహి విహగేంద్ర! - పటుకృపాసాంద్ర!
