ఈ పుట అచ్చుదిద్దబడ్డది
18
శ్రీరమా పరిణయము
అది చూచి శ్రీ విష్ణుఁ - డానందమొంది
మదనారి నీక్షించి - మగుడి యిట్లనియె:
“పరమేశ! నీ శీల - భావంబు పూర్వ
మరుదుగా బోయ క - న్నప్పకే దెలియు,
ఇపుడు నేఁ జెప్పిన, - నిందున్నవారు
నిపుణత దీపింప - నిన్ను నవ్వెదరు;
తనరార నా సహోదరినిఁ బార్వతినిఁ
గనుఁగొని కాతు నీ - గౌరవం బిచట'
అని పల్క విని శివుఁ - డంబుజోదరునిఁ 330
గనుఁగొని పల్కె ను - త్కంఠ నిట్లనుచు:
'జలజాక్ష! వినుము నీ - చపలత్వసరణి
కనుఁగొన గోపసుం - దరులకే దెలియు,
నే నిందుఁ జెప్పిన - నిన్ను నవ్వెదరు
గాన, చెప్పను రమా-కన్యను జూచి,
కాచెద నేఁడు నీ - గౌరవం' బనుచు
సూచింప, హరిహరుం
జూచి యిట్లనియె
“నిటలాక్ష! వినుము నీ - నిశ్చలత్వంబు
దిటమైన మోహినీ - దేవికే తెలియు,
చలపాది! నీ కామ - సంకల్ప సరణి 340
లలిమీఱ బ్రహ్మాదు - లకు నెల్లఁ దెలియుఁ,
