ఈ పుట అచ్చుదిద్దబడ్డది
16
శ్రీరమా పరిణయము
కలికితనమున నాఁ - కలి దీరఁబోదు,
కులుకుతో నిపుడు సం - కోచింపవలదు,
భువి నెన్నఁదగు భక్ష్య - భోజ్యాదులైన
వివిధ పదార్థముల్ - వింతగా నిపుడు
ముజ్జగంబుల కాది - మూలమైనట్టి
బొజ్జనిండఁగ నీవు - భుజియింపవోయి'
అన విని తరిగొండ - హరి నవ్వి, శివునిఁ
గని యిట్టు లనియె: 'బల్ - గారడంబుగను
భుక్తశేష వినోదము - వితరణ
పన్నగాభరణ! యీ - పగిది నా తప్పు 290
లెన్నెద, వెపుడు ని - -న్నెఱుఁగనే? నేను
చక్కని పునుక కం - చంబు చేపట్టి
యెక్క డెక్కడ బిచ్చ - మెత్తినఁగాని
ఆఁకలి దీరక - యలనాఁడు విషము
గైకొని మెక్కిన - కైవడి గాదు
ఇప్పు డీ దివ్యాన్న - మిష్టంబుగాను
మెప్పుగా భుజియింపు - మేము చూడఁగను,
మును నీవు ఘన భూత -ముల సంహరించి
తనరార మెక్కి యెం - తటనైనఁగాని
పరితృప్తిఁ జెందక, - పావనుండైన 300
చిరుతొండ భక్తుని - శిశువు మాంసంబు
