ఈ పుట అచ్చుదిద్దబడ్డది
12
శ్రీరమా పరిణయము
స్వామి కల్యాణము
అనుపమంబైన క - న్యావరణంబు
మునివరుల్ జరుపఁగా, - మురిసి సాగరుఁడు
పనిఁబూని భక్తితోఁ - బంకజాక్షునకు
మనము రంజిల్లఁగా - మధుపర్క మిచ్చి,
నవ్య భూషణములు, - నవ్య వస్త్రములు,
దివ్య గంధంబులు, - దివ్యమాల్యములు
కమలాక్షునకు, రమా - కన్యకామణికి 210
బ్రమదంబుతో సమ - ర్పణమొప్పఁ జేసి,
ఘనముగా నా రమా - కన్య నా హరికి
తన వధూయుక్తుఁడై - దానంబు చేసె.
కరమొప్ప నా రమా - కన్యకామణినిఁ
గరుణించి హరి కర - గ్రహణంబు చేసి,
నిరుపమంబగు దర - నిభకంఠమందు
సురుచిరమంగళ - సూత్రంబుఁ గట్టె;
సరసతమీఱ శ్రీ - సతిశిరంబందుఁ
దఱుచైన వేడ్కతోఁ - దలఁబ్రాలు వోసె;
జలజాక్షు శిరముపై - జలరాశి కన్య 220
పొలుపొందఁ దలఁబ్రాలు - పోసె; నీరీతి
నక్షతారోపణ - మ్మైన పిమ్మటను
లక్షణవతియైన - లక్ష్మితోఁగూడ
