ఈ పుట అచ్చుదిద్దబడ్డది
4
శ్రీరమా పరిణయము
శ్రీహరి వేంకటాద్రికి విచ్చేయుట
పరమాత్ముఁ డందుండి - పయనమై వచ్చి
శ్రీ వరాహస్వామి -చేకొనియున్న
శ్రీ వేంకటాద్రిపై - జేరి వేడుకను
అప్పుడు శ్రీవరా - హస్వామి నడిగి
తప్ప కా క్షేత్రంబు - తా నాక్రమించి
నలువొప్పఁ దరిగొండ - నరసింహుఁ డనఁగ
విలసిల్లుచుండె శ్రీ - వేంకటేశ్వరుఁడు. 60
శ్రీహరి బ్రహ్మాదులను క్షీరాబ్ధకడకుఁ గన్య నడుగఁ బంపుట
అంత నచ్చటికి బ్ర -హ్మాదులు వచ్చి
సంతోషచిత్తులై - చక్రి నీక్షించి
వేదాంత సూక్తుల - వినుతింప, నగుచు
నాదినారాయణుం -డట వారి కనియె:
'ఓ పంకజాసన! - యో ఫాలనయన!
యో పాకశాసన! -యో మౌనులార!
చెలఁగుచు మీరు వ - చ్చిన చంద మెల్లఁ
దెలిసెను, మీరింకఁ - దీవ్రంబుగాను
క్షీరవారిధిఁ జేరి - శ్రీరమాసతిని
నేరీతినైన నా - కిమ్మని యడిగి 70
నిరుపమ లగ్నంబు - నిర్ణయించుకొని
సరగున ర' మ్మన్న - సంతసంబంది
