పుట:శ్రీరంగమాహాత్మ్యము.pdf/117

వికీసోర్స్ నుండి
ఈ పుట అచ్చుదిద్దబడ్డది

112

శ్రీరంగమాహాత్మ్యము

క. మాకోపానల మితని పు, రాకృసుకృతములు కాష్టరాశిగ నెంచెన్
      లేకునికి మీరు తత్పురి, యాకసము నిరస్తతార మగుగతి దోఁచెన్.
క. కోపంబు తడవు నిల్పిన, పాపం బది ధారుణీసుపర్వుల కెల్లన్
      భూపాలుని దీవింపుడు, చేపట్టితి నితని ననిన శేషద్విజులన్.
గీ. మీయనుగ్రహంబె మైకొనునఁట యీతఁ, డెంక పుణ్యుఁ డఘము లెందు నుండు
      మాకు ప్రమద మెచ్చు మను గాక సుఖియౌను, మీసుభాషితములు మేరగలవె.
మ. అనుచు న్వారలు వెంటరా నృపతితో నవ్వేళ వాల్మీకి వ
      చ్చి నమోఘంబగు బిల్వతీర్థమున కా శ్రీమన్మహాభూరుహం
      బునకున్ మ్రొక్కి మునీంద్రులెల్ల నలగా పుండ్రేక్షు కోదండ శిం
      జికాఝంకరణంబు వీనుల బ్రఘోషింపన్ బ్రసన్నాత్ముఁడై.
క. వచ్చి యొకచాయ నెలకొన, నచ్చట నొకవింత బుట్టె నను మార్కండే
      యోచ్చరీతము విని జయరథుఁ, డచ్చెరువున నెద్ది తెలుపుఁడన యడుగుటయున్.
సీ. విననచ్చె నాకాశవీథి నేధితసౌరవారాంగనా మురజారనములు
      జడిబట్టికురిసె నప్పుడు పారిజాతమహామహిజాతలతాంతవృష్టి
      తలఁజూపె సురఖి కోమలచారుశీతలచందనామలమరుత్కందరములు
      మెచ్చొనరించె నాయచ్చరగాయనవల్లకీఘుమఘుమధ్వానసమితి
      యంటివో యిట్టివనియని యట్టిజాడ, గ్రక్కున సనత్కుమారుఁ డాకస్మికముక
      వచ్చె నచ్చటనుండి యావామలూరి, తనయుఁ డమ్మౌని గాంచి సంతసము నొందె.
క. తాను నతండును సమవి, జ్ఞానతపోయోగమతివిశారదు లగుటన్
      మౌనీశ్వరు లిరువురు ప్రమ, దానూనాలింగనముల నమరుచుఁ బ్రీతిన్.
గీ. సమత బ్రసియనుఋష్యాశ్రమముననుండి, కుశలములదేరి యోగి బేర్కొని నమస్క
      రించి యపుడు భరద్వాజుఁ డంచితోప, చారవినయోక్తు లమర బ్రశ్నంబు చేసి.
శా. పూవుం దట్టఁపువాన లేల గురిసెన్ బుణ్యంబు మాఱేనిపైఁ
      దావ ల్గల్గెడు లేఁతతెమ్మెరలు శీతాళించనేలయ్య పై
      త్రోవ న్మేషముతాటపాటలని యేతోయంబునం గల్గె మీ
      రీవృత్తాంత మెఱుంగఁ బల్కుఁడన మౌనీంద్రుండు తా నిట్లనున్.
మ. ఒక గంధర్వుడు చిత్రకేశుఁ డసువాఁ డుర్వీస్థలిన్ బిల్వనా
      మక తీర్థం బిది చూడగోర యరుదే మార్గంబునన్ దేవతా
      శుకవేణీ సుమవర్ష గీత పననస్తోమానకధ్వానముల్
      ప్రకటం బయ్యెననంగ యోగివరుతో బల్కెన్ భరద్వాజుఁడున్.