పుట:శృంగారనైషధము (1951).pdf/44

వికీసోర్స్ నుండి
ఈ పుట అచ్చుదిద్దబడ్డది

ప్రథమాశ్వాసము

27


తే.

జాతరూపచ్ఛదచ్ఛటాజాతరూప
లక్ష్మి యిం తొప్పునే మరాళమున కనుచు
నద్భుతం బంది తనుఁ జూచునధిపసుతున
కిట్లనె మనుజభాషల హేమఖగము.

104


క.

ఱెక్కలకొనలం గలిగిన
యిక్కాంచన మాసపడియెదే నృప! నీకే
యక్కఱ దీనం దీరెడు
నక్కట! నీహారలేశ మబ్ధికిబోలెన్?

105


చ.

ఎఱుఁగనె నీవు ప్రాంతమున నింతట నంతట నున్కియింత యే
మఱుదునె నిన్ను విశ్వజనమాన్యుఁడ వంచును విశ్వసించి యి
త్తఱి సుఖనిద్రఁ బొందితి వృథామతి నెట్టన యాత్మ నమ్మినం
జెఱుపఁదలంతురే ఘనులు చిత్తమునన్ బగవారి నేనియున్?

106


ఉ.

హింసయ నీకు వేడ్క యగునేని కృపాశ్రయ మైనయీసరో
హంసముఁ జంప నేల! కఱవా తరువాత వసుంధరాధిపో
త్తంస! విజృంభమాణభుజదర్పనిరంకుశసాహసక్రియా
మాంసలచిత్తవృత్తు లయి మత్తిలి యుండునరాతిభూపతుల్

.107


వ.

ఫలకుసుమమూలమాత్రంబున శరీరయాత్ర నడపుచు మునులుంబోలె సలిలంబులలోనం దపంబు సేయుచున్నవారము మామీఁద దండనీతిం బ్రయోగింప నీకుం దగునె? యదియునుం గాక.

108


సీ.

తల్లి మదేకపుత్త్రక పెద్ద కన్నులు
        గాన దిప్పుడు మూఁడుకాళ్లముసలి
యిల్లాలు గడుసాధ్వి యేమియు నెఱుఁగదు
        పరమపాతివ్రత్యభవ్యచరిత