పుట:శృంగారనైషధము (1951).pdf/33

16 శృంగారనైషధము

⁠

జిప్పిలుచుండ నెద్ది పరిశీలన సేసిరొ యట్టియబ్బెసం బిప్పుడు వారు చూపుదు రపేతనిమేషములైనచూపులన్.

⁠ 67

తే.⁠

తద్గుణాకర్ణనంబునఁ దదనిరీక్ష ణమున ధన్యత్వమును నధన్యతయుఁ బొంది యభిమతానభిమత మైనయక్షియుగముఁ దాల్చుఁ జక్షుశ్శ్రవఃస్త్రీకదంబకంబు.

⁠ 68

చ.⁠

[1]మొలచినకూర్మి గన్నుఁగవ మోడ్చినయప్పు డజప్రభావనా బలమున నానృపాలకునిఁ బాయక చూతురు మర్త్యభామ లా యలికులనీలవేణులకు నమ్మెయి నవ్విభుఁ జూచువేళలన్ గలుగవు వో నిమేషపరికల్పనఁ బుట్టెడునంతరాయముల్.

⁠ 69

సీ.⁠

కోరి లీలాగేహకుడ్యభాగంబుల         వ్రాయుదు రమ్మహీశ్వరునిమూర్తి వ్రాసి కన్యాత్వగౌరవము వీసరపోవ         దర్శింతు రనురాగతరళదృష్టి దర్శించి యతని కేఁ దగుదునొ తగనొ యం         చించుకించుక సంశయింతు రాత్మ సంశయించి కరాంబుజములఁ గ్రొమ్మించుట         ద్దము లెత్తిచూతురు తముఁ దారు

⁠

తే.⁠

రాజకన్యలు జగతి నాక్రమమునందు గందు వారలనిట్టూర్పు గాడ్పువేఁడి ముకురములు చారుమోహనమూర్తి యనఁగఁ బరఁగు దమయంతిచేతిదర్పణముదక్క.

⁠ 70

1. పొలుపొనఁగూడి; పొలుపొగిజూచి అని పాఠాంతరములు.