Jump to content

పుట:శృంగారనైషధము (1951).pdf/313

వికీసోర్స్ నుండి
ఈ పుట అచ్చుదిద్దబడ్డది

296

శృంగారనైషధము


⁠

జయ పూర్వగీర్వాణసంహారకారణ!
        జయ కుక్షినిహితవిశ్వప్రపంచ!
జయ జహ్నుకన్యకాజనకపాదాంభోజ!
        జయ కోమలాంబుదశ్యామలాంగ!
జయ వైజయంతికాస్రక్ప్రభాలంకార!
        జయ పుండరీకవిశాలనయన!

⁠


తే.⁠

జయ శతక్రతుముఖమరుచ్చక్రవాళ
కనకకోటీరచారుసంఘటితనూత్న
రత్ననీరాజనక్రియారాజమాన
చరణపీఠాంతికోద్దేశ! జయ రమేశ?

⁠ 117


క.⁠

భవదీయము లగుమంత్రము
లవాఙ్మనసగోచరంబు లంభోరుహసం
భవభవుల కనిన శక్యం
బవునే మాబోటివారి కచ్యుత! పొగడన్?

⁠ 118


శా.⁠

ఓదామోదర! యిందిరాయువతివిద్యుల్లేఖతో నూత్నపిం
ఛాదామత్రిదశేంద్రకార్ముకముతో సమ్యక్కృపాదృష్టితో
నీ దేహం బనుమేచకాంబుదము మన్నేత్రద్వయీచాతకా
హ్లాదంబుం బొనరించుఁగాత భవతాపాటోపముం బాపుచున్.

⁠ 119

భగవద్దశావతారవర్ణనము

తే.⁠

కపటమత్స్యంబ వై నీవు గడలి నడుమఁ
బుచ్ఛ మల్లార్ప నెగసినభూరిజలము
మింటఁ గడుఁ దెల్లనై పాఱుచుంటఁ జూచి
యభ్రనది యంచు వర్ణించె నఖిలజగము.

⁠ 120