పుట:శృంగారనైషధము (1951).pdf/201

వికీసోర్స్ నుండి
ఈ పుట అచ్చుదిద్దబడ్డది

184

శృంగారనైషధము


మదనశోషణబాణసంపాతపీత
ఘనకృపాసింధుగహ్వరాకారమతులు?

179


క.

మంచకమధ్యస్థితమ
ద్వంచకపంచకమునందు వరుసమెయిఁ బరీ
క్షించెద నే నొక్కించుక
పంచజనసుపర్వలక్ష్యపంచశ్రేణిన్.

180


వ.

అనుచు నేవురం గలయం గనుంగొని యందు.

181


దమయంతి నలుని దెలిసికొనుట

మ.

ధరణిం బొందనికోమలాంఘ్రికమలద్వంద్వంబులున్ ఘర్మశీ
కరసిక్తంబులు గానిఫాలములు వక్షఃక్షోణులం బత్త్రకే
సరముల్ గందనిపూవుదండలు నిమేషవ్యాఖ్యఁ గైకోనిదృ
క్సరసీజంబులు నల్వురందుఁ గనియెం గాంతాలలామంబొగిన్.

182


వ.

కని యైదవవాఁడు నిషధరా జగుట యెఱింగి దేవతాప్రసాదంబు లేక యేకార్యంబు ఫలింపనేరదు. ప్రదక్షిణప్రక్రమణలవాలవిలేపధూపావరణాంబు నేకంబుల ననేకంబు లగుఫలంబు లీఁజాలుటంజేసి వేల్పులు కల్పద్రుమకాననంబులు సుపర్వులకుం జేయు నమస్య సర్వార్థసిద్ధిసంధానసమస్య విబుధసేవ యఖిలాభీష్టప్రదానసురభి యనుచు సభాజనం బెల్ల విస్మయం బంది కనుంగొనుచుండ దివిజసభాజనంబునకుం బ్రారంభించి వైశద్యహృద్యంబు లగు ప్రస్తుతిప్రసూనస్తబకంబుల నింద్రాదిదేవచతుష్టయంబు సంతుష్టి నొందించి తత్ప్రసాదలబ్దం బైనబుద్ధివిభవంబున నమ్మర్త్యవిలక్షణంబు లగుధరణిక్షోదసంస్పర్శనంబును బ్రస్వేదబిందునిష్యందనంబును గుసుమమాల్యమ్లాని యాదిగాఁ గలచిహ్నంబులను