పుట:శృంగారనైషధము (1951).pdf/200

పంచమాశ్వాసము

183

⁠

మరుఁడు విదర్భరాజసుతమానసముం గలఁగింపఁ బూనుచున్ శరములసంఖ్యకున్ ఫలము సమ్మతిఁ గాంచి నటింపకుండునే?

⁠ 175

చ.⁠

వెలయఁగఁ బంచనైషధి విభేదము నేర్పఱుపంగ లేక యా కులత వహించి యిట్టితఱిఁ గూరిమినెచ్చెలి యొద్ద నుండెనేఁ దెలియఁగఁజూచి చెప్పును గదే యని డెందమునం దలంచె నిం పలర నరాళకేశి యమరాలయహేమమరాళపుంగవున్.

⁠ 176

వ.⁠

శంకాలతావితానం బనేకనలావలంబి యగుచుం బ్రబ్బినం గడునిబ్బరం బగువిభ్రమంబున నావిదర్భసుతాసుభ్రూలలామంబు నెమ్మనంబున ని ట్లని వితర్కించు.

⁠ 177

సీ.⁠

ద్వివిధచంద్రమతి ప్రతీతియో? కాకతి         స్వచ్ఛపదార్థోపసర్పణంబొ? యంగుళీముఖపీడితాక్షివిక్రియ యొక్కొ?         మకరాంకుశాంబరీమహిమ యొక్కొ? విరహకాలోద్భ్రాంతివిభవానువృత్తియో?         రూపింప నలువిశ్వరూప మొక్కొ? గణుతింప వేల్పులకపటనాటక మొక్కొ?         భారతీపరిహాసభంగి యొక్కొ?

⁠

తే.⁠

కాక యీయేవురందు నొక్కరుఁడు నలుఁడొ? మారుఁ డొక్కడొ? యొకఁడు పురూరవుండొ? వరుస నున్నయీచక్కనివా రిరువురు దేవతావైద్యయుగ్మంబొ? తెలియరాదు.

⁠ 178

తే.⁠

విబుధవరు లేనిఁ బ్రణమిల్లి వేఁడుకొందు నలుని వా రేల యిత్తురు నాకు నతని

⁠