పుట:శృంగారనైషధము (1951).pdf/197

వికీసోర్స్ నుండి
ఈ పుట అచ్చుదిద్దబడ్డది

180

శృంగారనైషధము


బునుం గదియించుటఁ బరిమళంబులు నందనోద్యానతరుషండంబులవలనఁ బాపి మధుపమాలికం గల్పపాదపంచకంబునుం గదియించిన చందంబు దోఁచె, ననంతరంబు నలాకృతిధరు లయినయాలోకపాలురం జూపి క్రమంబున.

164


తే.

వాణి యిట్లను నక్కీరవాణి కెలమి
గూఢశబ్దార్థశ్లేషరూఢ మెఱయ
నిష్జరాధీశ్వరులకును నిషధపతికి
వర్ణనావాక్యరచన నన్వయము గలుగ.

165


చ.

అతివ! యపవ్యపాయుని ననల్పవిలోచనపంకజాతుఁ బ్రీ
ణితనిజవీరసేనుని వినిర్జితసర్వమహీభృదావళిన్
హతమదవద్విరోధిబలు నాత్మచమూచరవారణాసన
స్రుతమదగంధయుద్ధ మహిఁ జూడుము వీని మహి న్మహేంద్రునిన్.

166


సీ.

భాస్వరరూపసంపన్నుఁ డుద్ధతిమంతుఁ
        డధికప్రతాపసమన్వితుండు
హేతిసంభూతప్రభూతభూతియుతుండు
        శుచి ధనంజయుఁడు విస్ఫూర్తిశాలి
నానామహాసమిన్మధ్యప్రదీప్తుండు
        సతతంబు విబుధసంతతికి ముఖము
లాలితబాలప్రవాళతామ్రకరుండు
        తనకు శాత్రవసముత్కరము తృణము


తే.

తామరసపత్త్రనేత్ర! యీతం డనలుఁడు
లావు గలవాఁడు లోకపాలకులలోన
బహుతరస్నేహరుచిమహాబలసహాయ
సంపదుద్దాముఁ డెలమి వీక్షింపు మితని.

167