పుట:శృంగారనైషధము (1951).pdf/189

172

శృంగారనైషధము

కాళింగుఁడు

వ.⁠

చని మహేంద్రగిరి యేలునన్నరేంద్రునిం జూపి దమయంతి కి ట్లనియె.

⁠ 131

చ.⁠

నరనుతు నిమ్మహేంద్రగిరినాథు వరింపుము రూపసంపద న్దొరయు నితండు నీకు, నొకదోసమునుం గల దప్పురంబునన్ గరిమఁ గళింగజంబు లగుగంథగజంబులకుంభరాజితోఁ గరకరి పుట్టఁగాఁ గలదు కామిని నీవలిచన్నుదోయికిన్.

⁠ 132

చ.⁠

గజపతి వచ్చెనంచు నొకగంధగజంబుగుఱించి యొక్కఁ డ క్కగజపడి పల్కిన న్వెఱచి కాననభూమికి వీటిఁ బాఱి దా రి జడతనిద్రలోఁ గలవరింప నిజోక్తియ నేర్చి కీరము ల్గజపతి వచ్చె నావిని కలంగుదు రీతని శత్రు లచ్చటన్.

⁠ 133

తే.⁠

వీనిరిపుకాంత పతిఁ బాసి కానలోనఁ జెంచుఁబూఁబోఁడులును దానుఁ జెలిమి చేసి చెప్పుఁ దమదేశవార్తలు చెప్పుచోటఁ 'జల్లనై యుండు మాభూమిచంద్రుఁ' డనుచు.

⁠ 134

మహాస్రగ్ధర.⁠

రతిఁ గ్రీడాహంసమోహగ్రహిళశిశుభృశప్రార్థితోన్నిద్రదారా పతియై దుఃఖించు సద్యఃప్రసృమరనిజదృగ్బాష్పధారాగతేందు ప్రతిబింబప్రాప్తలాభప్రముదితసుతయై రంజిలున్ రాత్రు లేత త్ప్రతిపక్షక్షోణిపాలప్రమదగిరిదరీప్రాంతకాంతారభూమిన్.

⁠ 135