పుట:శృంగారనైషధము (1951).pdf/151

134

శృంగారనైషధము

⁠

ర్యాములు దమకార్యం బే నీమెయి విభ్రాంతిఁ బొంది యిటు చెఱుచుటకున్?

⁠ 93

క.⁠

పేరు ప్రమాదవశంబునఁ బేరుకొనుట కల్ల యయ్యె బృందారక కా ర్యారంభోదయమున కది యారూఢం బైనవిఘ్నమై ఫలియించెన్.

⁠ 94

ఉ.⁠

ఆదిఁ బరోపకారపరులై చరియించినయట్టి యాంజనే యాదులఁ బోల నైతి నిపు డక్కట దైవతకార్యసిద్ధివి చ్ఛేదము నొందె నేమి యని చెప్పుదు నింక నమర్త్యపంక్తి? కు న్మాదులు సంఘటింపఁగ సమర్థులె యెందు సురాయబారముల్?

⁠ 95

తే.⁠

వగవ నేటికి? నే మన వచ్చు నిపుడు? చేతనాహానిఁ గార్యంబు చిన్నవోయెఁ జేతనాహాని దైవంబుచేత వచ్చె దైవగతి దాఁటవచ్చునే దేవతలకు?

⁠ 96

తే.*⁠

అని విచారించుచుండె నయ్యవనినాథుఁ డంతకును మున్న నలునిఁగా నతని నెఱిఁగి యెదురుగద్దియ డిగ్గి పృథ్వీశతనయ యవనికాంతరమున నోలమాసగొనియె.

⁠ 97

క.⁠

ఆనందబాష్పధారల వానకుఁ బులకములయుద్భవమునకుఁ దగ న మ్మానిని గదంబలతికకుఁ దా నెచ్చెలి వోలె నుండెఁ దదవసరమునన్.

⁠ 98