పుట:శృంగారనైషధము (1951).pdf/148

చతుర్థాశ్వాసము

181

⁠

సర్వకామద మైన సప్తతంతువున ని         న్నగ్ని గైకొనిన నే మనఁగఁ గలదు? తనయొద్ద నున్న వాతాపితాపనునిచే         నిను నార్కివరముగాఁ గొనిన నెట్లు? కాంక్షించి యడిగినఁ గామధేనువు నిన్ను         ద్యాగంబుగా నీదె యంబుపతికిఁ?

⁠

తే.⁠

గాన విను మేను జెప్పినక్రమము లెస్స యతివ! వరియింపు వేల్పులయందు నొకని భక్తి దివిజులచిత్తంబు పట్టకున్న నంతరాయంబు పుట్టుఁ గార్యముల కెల్ల.

⁠ 85

వ.⁠

అని పలికిన నప్రతివిధానం బైనప్రియావాప్తివిఘాతంబున హృదయంబు గలంగిన.

⁠ 86

సీ.⁠

ప్రవిమలాక్షినభోనభస్యాంబుదములకు         నవవృష్టిధారలై యవతరిల్లి యాకర్ణదీర్ఘ త్రాంభోరుహములకు         గమనీయనాళభావము భజించి కలితకజ్జలత ముక్తాహారలతలలో         హరినీలరత్ననాయకతఁ దాల్చి లలితవక్షోజకుట్మలచుంబనంబున         మధుపదంపతులసామ్యంబు వడసి

⁠

తే.⁠

వేఁడియశ్రులు నిగుడంగ వెక్కివెక్కి యేడ్వఁ దొడఁగె లతాంగి పృథ్వీశుమ్రోల మృదులపరివేదనాక్షరోన్మిశ్రమధుర కంఠకాకువికారకాకలిక యలర.

⁠ 87