పుట:శృంగారనైషధము (1951).pdf/142

చతుర్థాశ్వాసము

125

తే.⁠

అన్యపురుషులతోడ నెయ్యంపుగోష్ఠి యధిప! మముఁబోటిరాజకన్యకల కగునె? యది కులాబలాచారసహాసనాస హాలిసాహసకౌతూహలావసథము.

⁠ 60

క.⁠

తగవే కులకన్యలకును మగవారలతోడ రూపమహనీయులతో మిగులంగఁ దడవు లోపలి నగళులలో మాటలాడ నయతత్త్వనిధీ.

⁠ 61

వ.⁠

అనిన విని ప్రతిబంధరచనాచాతుర్యంబును మనంబునం దభినందించుచుఁ బ్రత్యుత్తరంబు వేఱొండు వెదకి పొడగానలేక యాలోకోత్తరచరిత్రుండు విదర్భరాజపుత్త్రిం గనుంగొని నేత్రాంచలంబుల నలంతినవ్వు దొలంకాడ ని ట్లనియె.

⁠ 62

సీ.⁠

వామాక్షి! మాక్షికస్వాదుపేశల మైన         పలు కేల యొరులపైఁ బాఱవైవఁ? జంచద్రసామృతస్నానపేశల మైన         దృగ్విలాసముఁ జేర్చు దివిజులందు సఫలంబు సేయు మత్సమధికాయాసంబు         నేను జెప్పినకార్య మిచ్చగించి దేవతాపతిభక్తిఁ దిరముగా మది నిల్పి         ప్రకటకల్యాణవైభవము నొందు

⁠

తే.⁠

వెలఁది! నామీఁదఁ గడుఁగృపావిలసనంబు నాటి చూచినచూపుమన్ననయ చాలు నాకుఁ గా నుద్ధరింపుము నాకవిభుల హస్తములు మోడ్చి వేఁడెద నాదరమున.

⁠ 63