పుట:శృంగారనైషధము (1951).pdf/141

124

శృంగారనైషధము

⁠

మైత్రి కఱ సేయఁ దగ దేను మసుజవిభుఁడ రాజవంశకరీరుండ రాజవదన!

⁠ 55

ఉ.⁠

పే రడుగం దలంచెదవొ? భీమతనూభవ! యావిచారముం దూరము సేయు మెవ్వరికి దోషము తాఁ దనపేరు సెప్పు టా చారపరంపరాస్థితికి శాస్త్రము మూలము శాస్త్రచోదితా చారవివేకహీనుఁ డగు జాల్ముని మెత్తురె పండితోత్తముల్!

⁠ 56

వ.⁠

అదియునుం గాక.

⁠ 57

క.⁠

కువలయనేత్ర! సమక్ష వ్యవహారంబునకు యుష్మదస్మత్పదముల్ శ్రవణశ్రావణయోగ్యము లవుచుండఁగఁ బేరు సెప్ప నడుగఁగ నేలా?

⁠ 58

సీ.⁠

అని శారదం బైనవనమయూరము వోలె         నహితాపకారకుం డతఁడు పలుక రాజహంసియుఁ బోలె రమణీలలామంబు         పదములం దనురాగ ముదయ మొంద సమయోచితంబుగా సారస్య మొప్పాక         బలికె ని ట్లని మహీపాలుతోడ నన్వయం బెఱిఁగించి యభిధాన మెఱిఁగింప         కునికి మ మ్మాదరించినతెఱంగె?

⁠

తే.⁠

యనఘ? మము నీవు వంచింప నభిలషించె దేము నేరమె వంచింప నిపుడు నిన్ను? బేరు సెప్పిన నీ కనాచార మేని మాకు నాయంబె నీతోడ మాటలాడ.

⁠ 59