పుట:శృంగారనైషధము (1951).pdf/124

తృతీయాశ్వాసము

107

చ.⁠

అరయ ననంగరాజ్యవిభవాభ్యుదయంబు ప్రకార మిట్లపో కర మన దైనయాసుదతికౌను వళిత్రితయంబుచే నిరం తరమయి యాక్రమింపబడె దానికి దో డొకపొత్తునం బయో ధరములు రాయుచున్నయవి దర్పవిజృంభణలీల యేర్పడన్.

⁠ 192

తే.⁠

ప్రబలవక్షోజహేమకుంభములు సూచి లలితరోమావళీరజ్జులతికఁ జూచి నాభికూపంబుఁ జూచి నానయనయుగము తృష్ణ వహియించుచున్నది దీనియందు.

⁠ 193

తే.⁠

నాభి యుత్పాటితాలాన నవ్యబిలము రోమవల్లరి శృంఖలాదామకంబు కామమదవారణమున కీకంబుకంఠి వలుదచనుదోయి గురువప్రవాస్తుభూమి.

⁠ 194

తే.⁠

ప్రతిఫలించు ప్రవేణికాభారరచిత మల్లికలు రాజతాక్షరమాలికలుగ శంబరారాతివిజయశాసనసువర్ణ పట్టికయుఁబోలె నొప్పు నిపఁపణఁతివీఁపు.

⁠ 195

క.⁠

తనజనకుఁడు శౌరి సుద ర్శనచక్రమునను జయించె జగ మని మరుఁ డీ వనిత యదర్శనకటితట ఘనచక్రంబున జయింపఁగాఁ దలఁచెఁ జుమీ.

⁠ 196

శా.⁠

ఏదే నొక్కమనోహరాంగకముచే నీయిందుబింబాస్య హే లాదర్పంబునఁ బిప్పలచ్ఛదము గెల్వంగాఁ దలంచెం జుమీ

⁠