మఱియు నమ్ముకుందసుందరులు పాణిపల్లవంబులచేత రాగంబు
వలనఁ దద్గతలక్ష్మిని నిత్యనివాసం బైన యరవిందంబుల నుండనీక
నిష్కాసంబు గావించి లక్ష్మీనియతసాపత్న్యంబు వ్యక్తంబుఁ జేసి
రంత నయ్యంగనలు సలిలప్రవేశంబు గావించుటకు భయభ్రాంత
చిత్తలై ప్రియకరావలంబనంబుఁ జేసియతి ప్రయత్నంబునఁ
బ్రవేశిఁచునంతలోనఁ దత్కాసారజలంబు సంక్రాంతప్రతిబింబ
లగుటం జేసి యౌత్సుక్యంబున నతిశీఘ్రంబుగా నయ్యువతుల
నంతఃప్రవేశంబు గావించుకొన్న దానియట్ల ప్రకాశించె మఱియుఁ
గామినులు కాముకునిమనంబునుంబోలె లో తెఱుంగక మొదల
జలంబు ప్రవేశించుటకు భయంబు నొంది పదంపడి గమనంబుచేత
నగాధత్వం బెఱింగి పదంపడి రాగంబుచేత నభ్యంతరంబు ప్రవే
శించి సరాగంబైన యంగంబుచేత రంజిల్లఁజేసి రంత.
