పుట:శిశుపాలవధము (గోపినాధ వెంకటకవి).pdf/96

⁠

చెలఁగి నూత్నోఢసతిని వంచించి కుచక లశకిశోరకముల నంటె లఘుతరముగ.

⁠ 133

సీ.⁠

నారీసరిద్ఘర్మపూరంబు జఘనప్ర                         దేశంబులందు నుద్రేక మొంది సక్థివక్షముల భుజాకచ్ఛరుహల నా                         క్రమణంబు గావించి ఘనగభీర నాభిహ్రదంబులు నయముగాఁ బూరించి                         తతపయోధరబృహత్తటులు దాఁటి పటురోమరంధ్రకూపంబులు నిండించి                         కటతటీభూమిభాగముల నొందెఁ

⁠

గీ.⁠

బ్రియకరస్పర్శనంబున స్వేదతోయ మధిక మయ్యె నమ్లానశోభాఢ్యలైన సతులు విపినాంతవిహరణశ్రమము వాయఁ దనువులు జలార్ద్రముగఁ జేయఁ దలఁచి రపుడు.

⁠ 134

చ.⁠

అలఘుతరస్తనంబులు పరాభరణధ్వనితంబులున్ రజ శ్చలననిమీలితాక్షివనజంబులు నైన నితాంతతాంతకాం తలగణముల్ ధరిత్రిఁ జరణంబులు మెట్టఁగ నెత్తలేక గా నిలుచు నతిప్రయత్నమునఁ జేరె మనోజ్ఞసరోవరం బొగిన్.

⁠ 135

చ.⁠

సమముగఁ గాంత లందఱును జాల్గొనిపోవుచునుండ వారి యు సములు వినమ్రతన్ గడువిశాలము గల్గియుఁ దద్బృహన్నితం బముల పరస్పరాధికవిమర్దముచే విపులాధ్వభాగ మ శ్రమగమనంబు సేయుటకు సంకటమయ్యె నతిప్రయత్నతన్.

⁠ 136

చ.⁠

అవిరళవృక్షజాలశిశిరావనియం దటు పోవుచుండ న య్యువతులఁగాంక్షచేతఁ బలె నుష్ణమయూఖుఁడు సారెసారెకున్ బవనరయాహతోరువిటపంబుల సందున సాధ్వసంబునన్ దవిలి నిజోరుభానువులఁ దత్పరతన్ స్పృశియించె నెంతయున్.

⁠ 137

చ.⁠

నిరుపమవక్త్రపద్మమున నిర్జితుఁడై హిమధాముఁ డత్తఱిన్ బరువడి సేవఁ జేయుటకు వచ్చి ఖరాంశుకరాళితాంగయై వెఱవఱి యేగు భామినికి వేగసి తాతపవారణత్వమున్ వరుస భరింపుచుం బ్రియ మొనర్చెఁ దదీయకటాక్షకాంక్షియై.

⁠ 138