పుట:శిశుపాలవధము (గోపినాధ వెంకటకవి).pdf/74

మ.⁠

విలసత్సైన్యవినద్ధమై కుధర మొప్పెన్ దంతిభగ్నద్రుమా వళిశబ్దంబులఁ గృష్ణ! నీవు నలువొప్పన్ బర్వతోద్ధర్త వం చిలఁ బ్రఖ్యాతి వహించినాఁడ విపు డిట్లేలా ననుం గిన్క నా కులపా టొందఁగఁజేసె? దంచు వెస నాక్రోశించుచందంబునన్.

⁠ 433

ఉ.⁠

సౌరమహీద్రధీర! సురసన్నుతశౌర్యవిహార! వార్ధిగం భీర! మదోద్ధతారిగణభేదనదక్షభుజప్రచార! గో త్రారికుమారమార! ఋతురాజమనోజ్ఞశరీర! సద్యశః పూరితలోకవార! గుణపుంజవిభూషణ! మంజుభాషణా!

⁠ 434

క.⁠

నారాయణాంశభవ! సుగు ణారామవసంత! వితరణామరభూజా! సూరిజనస్తుతమదనా కారా! గోపాలకృష్ణకరుణోదారా!

⁠ 435

మాలిని.⁠

పరహితసుచరిత్రా! పండితశ్రీపాత్రా! తరణిసదృశతేజా! దండితద్విట్సమాజా! పరిచితబహువిద్యా! భవ్యసౌందర్యహృద్యా! నిరుపమగుణజాలా! నిత్యకళ్యాణశీలా!

⁠ 436

(గద్య)⁠

ఇది శ్రీరామచంద్రకరుణాకటాక్షలబ్ధవిద్యాసాంద్ర గోపీ నాథ వేంకటకవీంద్రప్రణీతంబైన శిశుపాలవధమహాకావ్యంబు నందు నారదాగమనంబును శ్రీకృష్ణసందర్శనంబును హిరణ్య కశిపుదశగ్రీవప్రభావవర్ణనంబును శిశుపాలవధపూర్వకంబై న శక్రసందేశంబు నారదుం డెఱింగించుటయు నుద్ధవబలరామ సమేతుండై కృష్ణుండు మంత్రంబు గావించుటయు నింద్రప్రస్థ యానంబును రైవతకపర్వతవర్ణనంబును రైవతకాద్రిప్రవే శంబును గజరథహయాదివర్ణనంబును నను కథలం గల ప్రథమాశ్వాసము సంపూర్ణము. శ్రీకృష్ణ.

⁠

దస్త్రం:శిశుపాలవధము (గోపినాధ వెంకటకవి).pdf