పుట:శిశుపాలవధము (గోపినాధ వెంకటకవి).pdf/66

⁠

వీఁకం బొల్చు నెలంతకేశభరమున్ వీక్షించెనో నాఁగ బల్ కేకుల్ మ్రాఁకులమీఁదనుండి యుఱికెన్ గ్రీడించి; సంఘర్ష లీ లోకంబందు రహిన్ గుణాధికుల నాలోకింపఁగా నేర్తురే?

⁠ 388

చ.⁠

పటుతరరోచమానరుచిభర్మచయాంశుపిశంగితాశముల్ చటులనిరంతరాయతవిసారితముల్ ఘనవంశకేతనో ద్భటపరిచుంబితాంబుధరపఙ్క్తులు నైన రథంబు లత్తఱిన్ ఘటితనగేంద్రపాదములకైవడిఁ జూడఁగ నయ్యె నెంతయున్.

⁠ 389

సీ.⁠

ఛాయాకరంబు లుచ్ఛాయవంతంబులు                         నుజ్ఝితభూతిశోభోత్కరములు సలలితబహుళపాటలధాతురాగముల్                         విమలతారావళివిరచనములు నగు గజంబులచేత నటు దూష్యములచేతఁ                         బోలె రాజనివాసభూము లలరె నృపకాంత లుత్‌క్షిప్తవిపులకాండపటావ                         కాశలీనాలసగంధవాహ

⁠

గీ.⁠

చలనశమితాధ్వఖేదసంజనితఘర్మ తోయలై చారుపల్లవస్తోమరచిత మంజులాస్తరణోపేతమహితవసన సదనములయందు సుఖనిద్ర సలిపి రపుడు.

⁠ 390

చ.⁠

అతులితసాంద్రఘర్మసలిలార్ద్రసువర్ణసవర్ణగాత్రసం గతనవచోళమున్ క్షతనఖక్షతమౌ నటు విచ్చివైచు యౌ వతము ప్రకాశమానపృథుభారపయోధరబాహుమూలమై చతురత విం దొనర్చెఁ బెలుచన్ క్షణ మయ్యువనేత్రపఙ్క్తికిన్.

⁠ 391

వ.⁠

మఱియు వణిగ్జనంబు సేనానివేశంబుకంటె మున్నుగా నవ్యగ్రు లగుచు నేకకాలంబున నుభయపార్శ్వంబులందుఁ జాలుగాఁ బట మంటపంబులు విస్తరింపంజేసి పర్యావతత్క్రయికలోకంబు గల్గు నట్లుగా నసంఖ్యేయక్రయ్యపణ్యద్రవ్యపూర్ణపణ్యప్రసారణ స్థానంబు లగుపణ్యవీథులు ప్రకాశింపఁజేసిరి; కొందఱుపురుషులు ఫలనిమిత్తకృతమహాప్రయత్నులును సముద్యతమృత్పిండదండ కాష్ఠులునై యొక్కశశంబును వధించుటకుఁ జుట్టుముట్టి యవ రోధించిన నది యనోకహజాలమధ్యంబున నుండి యతిసాధ్వసంబు

⁠