పుట:శిశుపాలవధము (గోపినాధ వెంకటకవి).pdf/40

⁠

నొందక నీ వైనను సమర్థుండవు గావు; కృత్యవిదులైన గూఢ చారులు తీర్థంబులయం దంతఃపదంబు గావించి మహాశత్రుజల స్థలంబు నెఱుంగుదురు గాక మఱియు ననుత్సూత్రపదన్యాస యు సువృత్తియు సన్నిబంధనయు నయ్యు రాజవృత్తి యప స్పశ యై శబ్దవిద్యకరణి శోభింపదు; చారప్రేషణం బావశ్య కంబు తద్రహితుండైన మహీపతి యంధప్రాయుం డగు; నది యునుం గాక.

⁠ 227

సీ.⁠

అజ్ఞాతనిజమర్మ లహితమర్మజ్ఞు లు                         భయవేతనులు నభివ్యక్తభూరి శాసనులగు నట్టి చారులచే శత్రు                         సామవాయకు లట్లు సంతతంబు పలుమఱు దూషింపఁబడి భేద్య లగుదురు                         సాయకోవిదు లైన ప్రణిధు లరిగి యేకార్థు లైన మహీశుల నెల్ల నిం                         ద్రప్రస్థమున కధ్వరంబుఁ జూడ

⁠

గీ.⁠

వరుసఁ బయనంబు సేయించువారు గాఁగ నటు నియోగించి పంపు మట్లయిన నందె బంధు మఖదర్శనంబును వైరివధము పొసఁగ రెండును సిద్ధించుఁ బుణ్యచరిత!

⁠ 228

చ.⁠

నెనరున ధర్మనందనుఁడు నీపయి మిక్కిలి భక్తి సేయఁ ద క్కిన రిపురాజు లందఱును గేవలమత్సరు లౌట వానిఁ గ న్గొని మది నోర్వఁజాలక యకుంఠితవైర మొనర్తు రందునన్ మునుకొని వారికిన్ మన కమోఘమహాకలహంబు గల్గెడిన్.

⁠ 229

చ.⁠

వదలక సంతతంబు శిశుపాలునిఁ గూడి వసించి యున్న భూ మిదయితులం దభిజ్ఞులగు మేటినరేంద్రులు గొంద ఱచ్చటన్ జెదరి ప్రియంబుతో మనలఁ జేరఁగఁ జయ్యన నేగుదెంతు రిం పొదవఁగఁ గాకమధ్యమున నుండి పికంబులు వోలె, మాధవా!

⁠ 230

చ.⁠

జలరుహలోచనా! సహజచాపలదోషసముద్ధతంబు ని స్తులమదయుక్తముం జలితదుర్లభపక్షపరిగ్రహంబు నై తలకొని నీదు శత్రుసముదాయము తావక భూరివిక్రమ జ్వలనమునం దుదగ్రశలభత్వము నొందెడుఁ గాక, కేశవా!

⁠ 231

వ.⁠

అని యి ట్లుద్ధవుండు పలికిన వివేచితార్థంబును ననుగతనయ మార్గంబును దుర్ణయార్గళంబును జనితసమ్మోదంబున సము

⁠