పుట:శిశుపాలవధము (గోపినాధ వెంకటకవి).pdf/36

⁠

నశించు నర్యమాది ద్వాదశాదిత్యులయందు దినకరుం డె ట్లుత్సాహంబు విడువఁ డట్లరియు మిత్రుండు నరిమిత్రుండును మిత్రామిత్రుండు నరిమిత్ర మిత్రుండు నీయేవురు విజిగీషునిమ్రోల నుండు రాజులు పార్ష్ణిగ్రాహుండు నాక్రందుండును బార్ష్ణిగ్రాహాసారుండును నాక్రందాసారుండు నీనల్వురు పశ్చాద్భాగంబున నుండు రాజులు విజిగీషుండు దశముండు మధ్య ముండు నుదాసీనుండు నీయిరువురు పార్శ్వవర్తిరాజు లిట్లు గూడిన ద్వాదశరాజాత్మకమండలంబునందు దశముండైన విజిగీషుం డొక్కం డుత్సాహంబు ప్రభుశక్తిమూలం బగుటం జేసి దాని విడువండు.

⁠ 202

మ.⁠

అరుదార న్ఘనమంత్రగుప్తికవచుం డత్యంతరాజ్యాంగభా స్వరగాత్రుండును బుద్ధిశస్త్రుఁడు లసచ్చారేక్షణుండు న్సమ గ్రరసోదంచితదూతవక్త్రుఁ డగుచు న్రాజిల్లు నేమేదినీ వరుఁ డాతండె సుఖాత్మకుం డధికసంపల్లాభయుక్తుం డిలన్.

⁠ 203

సీ.⁠

పొసఁగ శృంగారాదిరసములు మఱియు ని                         ర్వేదాదిభావంబు లాదరమున నెఱిఁగిన సత్కవి కెలమి సమాసబా                         హుళ్యాదికముచేత నొప్పు నొక్క ప్రౌఢప్రబంధంబె బహుముఖ్య మనియును                         బటుసుకుమారప్రబంధ మొకటె నెఱిఁ గేవలం బని నియమంబు లేక తా                         వలసినట్లుగఁ జెప్ప వచ్చినట్లు

⁠

గీ.⁠

కాలవిదుఁడైన నృపతికి క్షాత్ర మొండె మఱియు క్షమ యొండె నాశ్రయింపంగ వలయు ననెడు నియమంబు లేదు; కాలానుగుణ్య ముగ నుపాదేయములు రెండు; పురుషవర్య!

⁠ 204

గీ.⁠

అరికృతాపరాధుఁ డయ్యు నంతర్గూఢ బహువికారుఁ డగుట మహి నసాధ్యుఁ డగుచు గదము మాడ్కి నవసరం బాసన్న మైనఁ గోప మూను; నంబుజాక్ష!

⁠ 205

క.⁠

మృదువస్తువ్యవహితమగు పృథుతేజం బర్థ మనుభవించుట కగు దీ పదహనుఁ డంతర్దశచే విదితంబుగఁ దైల మనుభవించెనొ, లేదో!

⁠ 206