పుట:శిశుపాలవధము (గోపినాధ వెంకటకవి).pdf/242

⁠

మహోపద్రవనివర్తకంబును గురుదోషచ్ఛేదియు నైనప్రత్యస్త్ర ప్రయోగంబుచేత శీఘ్రంబున నయ్యైయస్త్రంబుల ఖండించె నంత శిశుపాలుండు సేయునది లేక కృష్ణుం డజయ్యుండని నిశ్చ యించి మర్మాతిగంబులు నవక్రంబులు నపవిత్రంబులు నగు వాక్సాయకంబుల నొప్పించిన నమ్మాధవుం డెద్దానిచేత గాఢా లింగనవ్యాపారముఖ్యలోలుపంబు లైన రాహుపత్నీకుచంబుల కాఠిన్యశోభను వ్యర్థంబు గావించె నట్టి యనలజ్వాలాభిలంబైన చక్రాయుధంబుచేత శపమానుండైన శిశుపాలుని శరీరంబును శిరోవికలంబు గావించె నప్పుడు శ్రీదేవీసేవితంబును దుందుభిఘోష దివ్యపుష్పవర్షసమన్వితంబును ఋషిగణస్తూయమానంబును దిన కరసంకాశతేజంబును నగునొక్కవెలుంగు శిశుపాలునిదేహంబున నుండి నిర్గమించి సమస్తరాజలోకంబు విలోకింపుచుండ హరిదేహంబు నందుఁ బ్రవేశించె.

⁠ 227

మ.⁠

ఖలుఁ డౌచైద్యునితోడ ఘోరకరసం గ్రామంబు గావించుచోఁ దిలకింపం బడబాగ్నికీల పగిదిన్ దీపించు కృష్ణాననం బలవిద్విణ్నిధవాంతమందుఁ బరిపూర్ణాబ్జారిచందంబునన్ బొలుపొందం గననయ్యె యాదవబలాంభోరాశిమధ్యంబునన్.

⁠ 228

మ.⁠

ఘనుఁ డామాధవుఁ డిట్లు చేదివిభు లోకద్రోహినిం జంపి మిం చిన సమ్మోద మెలర్ప సాంద్రజయలక్ష్మీశోభితాస్యాబ్జుఁడై యనిమేషుల్ వినుతింప ఘోరతరజన్యక్షోణి వృతాఖ్యునిం దనుజుం జంపిన పాకశాసనుని చందానన్ వెలింగె న్రహిన్.

⁠ 229

వ.⁠

ఇట్లు శిశుపాలవధం బాపాదించి.

⁠ 230